Informatzen zaitugu
ZIRRARAZ BETERIKO ESPERIENTZIAK
"SURFING ZARAUTZ"
“Adituek diote surf ikastaro bat askoz ere dibertigarriagoa dela familian egiten bada”
Zarauzko hondartza euskal kostaldeko hondartzarik ezagunenetakoa da. Ia 3 kilometroko luzera duenez, beharbada horregatik izango da euskal surfaren sehaska. Gipuzkoako kostaldeko beste herrietan ez bezala, Zarautzen surfa guztiz errotuta dagoen kirola da. Bertan jaio dira nazioarte mailan dabiltzan surflari asko, maila goreneko txapelketak ere antolatzen dira, eta, gainera, kirol hori praktikatzeko azpiegitura onenak ditu herriak.
Horregatik prestatu dizugu kirol eta abenturaz betetako asteburu izugarri hau, zure familiarekin gozatu eta Zarauzko herriaz maitemin zaitezen.
Asteburua hasteko, 3 orduko gure hastapen-ikastaroa (1h 30min-ko saio bana larunbatean eta igandean) jasoko duzue familiako heldu eta gazteek. Hor hartuko dituzue olatuekin gozatzeko lehen lezioak.
Informazio orokorra:
- Egunak: asteburuetan, Aste Santuan eta zubietan. Urte guztian uztaila eta abuztua izan ezik.
- Familiak: gutxienez 3 eta gehienez 5 pertsona (gutxienez heldu 1 eta gehienez 2)
- Prezioa: 150€ (BEZ-a barne) 3 pertsoneko familiako. Hortik gorako pertsona bakoitzeko 50€.
- Prezioan hauek sartzen dira: ohola, arropa, asegurua, irakaslea eta instalazioak.
Ikastaroaren edukia: ikastaroaren helburua familan ondo pasatzea da eta, inolako arriskurik gabe, surfean ikastea. Eta horretan ari zaren bitartean, gehiago ikasiko duzu gai hauetaz:
- Surf oholak
- Itsasoaren portaera (olatuak eta korronteak)
- Nola jarri zutik - eta estiloarekin - surfeko oholaren gainean…
- Olatuak zure kabuz hartu
- Olatuak partekatuz, beste surflariak errespetatu
- Olatuak ulertu
- Eta garrantzitsuena: familiarekin kirola egin!
Argibide gehiago jaso edo erreserbak egiteko:
- Moor Surf Eskola. Tel.: 943 02 08 94
- Pukas Surf Eskola. Tel.: 943 89 06 36
- Zarauzko Surf Elkartea. Tel.: 943 89 02 25
- Zarauzko Surf Eskola. Tel.: 943 01 95 07
“Galtxagorrien bila” esperientzia
Zarautzen ezkutatutako euskal mitologia
Aztarna jolas dibertigarri baten bitartez, familian Galtxagorriak bilatu ditzazun proposatzen dizugu, Zarauzko alde zaharrako monumentu esanguratsuenak ezagutuaz.
Galtxagorriak, Zarauzko kaleetan zehar ezkutatzen diren iratxo txiki-txikiak dira. Orratzontzi batean kabitzen dira eta euren galtza gorriengatik bereizten dira. Beren indar eta abantaila azkarrari esker, lana gogor egin dezakete eta gau bakar batean behar nekezena bukatu.
Marik, euskal mitologiaren jainkosak, Galtxagorriak aurkitzeko eskutitz bat bidaliko dizu eta mapa batetan pista eta irudiak emango duzkizu. Jendeari aholkua eskatu eta gurasoekin, punto batetik bestera azkar mugitu proba desberdinak gainditzeko eta era horretan pista berriekin beste Galtxagorriren bat aurkitu.
Helburua lortutakoan eta Galtxagorri guztiak beren orratzontzian sartutakoan, Marik, abentura hau beti gogora ezazu “opari” bat emango dizu
Informazio orokorra:
Datak:
· Uztaila eta abuztuan, asteartetan 11:00etan
Iraupena:
· 2 ordu
Hizkuntza:
· Euskera eta Gaztelera
Abiapuntua:
Zarauzko Turismo Bulegoa. Nafarroa kalea, 3 20800 Zarautz
Prezioa: 3€ pertsonako – 5 urteetik bera dohain (umeak pertsona heldu batekin joan beharko dute)
Informazio gehiago:
Tel.: 943 830990
